Deputeti i PD-së në qarkun e Fierit, Luan Baçi ka akuzuar hapurazi kryebashkiakun e qytetit Armando Subashi.
Sipas tij, Subashi fillimisht ka refuzuar t’iu jepte ambientet e Kinoteatrit për të zhvilluar takimin me demokratët ish-kryeministri Sali Berisha, dhe më pas i ka kërkuar një shumë prej 1 milionë lekësh të vjetra.
Në deklaratë për mediat, Luan Baçi u shpreh se Subashi është duke shkelur me të dyja këmbët mënyrën sesi administron pronat e qytetarëve.
Deputeti i PD-së deklaroj për kërksën e parë i’u desh të priste 4 ditë për tu refuzuar më pas, me argumentin se ambienti ishte prenotuar nga një pjesë e mazhorancës.
Ndërsa kërkesa e dytë drejtuar Bashkisë Fier, ku iu tha se nëse nuk i jepej leja takimin do e zhvillonin takimin përpara kinoteatrit, u aprova por me një faturë prej 1 mln lekësh të vjetra.
“Urdhri i Subashit, dhe jemi duke paguar faturën, është që të paguajmë 1 mln lekë të vjetra, në formën e një gjobe ose me arsyen që të mos e marrim. Ne jemi shumë demokratë dhe ato 1 mln lekë nuk na vrasin fare, do të jemi sot 500-600 veta dhe do na bien nga pak veta, do e marrim Kinoteatrin dhe do e zhvillojmë takimin”, tha ai.
