Ministri i Drejtësisë Ulsi Manja ka deklaruar se urdhri i tij për vendosjen në regjimin e posaçëm “41 bis” për Sokol Mjacajn ishte vendosur për shkak të ngjarjeve që lidhen me të, por nuk dha asnjë detaj tjetër.
“Sokol Mjacaj ka qenë duke vuajtur dënimin në Peqin. Në këtë burg ka dhe regjim të posaçëm dhe dhe procedura e vendosjes në regjim të posaçëm pasi del urdhri i ministrit dhe i komunikohet i drejtorit të Burgjeve ndodh procedura e zbardhjes së urdhrit dhe vendosjes në regjim të posaçëm. Sigurisht që sot ministri i drejtësisë ka urdhëruar vendosjen në regjim të posaçëm për ngjarje të tjera të lidhura me Sokol Mjacjan për të cilat në urdhrin tim të posaçëm dhe në materialin që shoqëron janë të detajuara arsyet pse unë kam vendosur”, tha Manja.
