Mediat raportojnë se Policia e Shtetit ka administruar një informacion se një grup kishte planifikuar të ekzekutonte ish-drejtorin e Përgjithshëm të Policisë, Gledis Nanon.
Bëhet fjalë për një plan që është hetuar rreth 3 muaj më parë nga një anëtar shumë i rrezikshëm i një organizate kriminale.
Paraprakisht dyshimet janë se ai ka planifikuar të vrasë ish-kryepolicin për shkak të hetimeve për të njëjtin grup në kohën që Nano ishte drejtues i Anti-terrorit.
Po sipas të njëjtave informacione policia nuk e ka vënë në dijeni për situatën ish-drejtorin e përgjithshëm të Policisë së shtetit, Gledis Nanon.
Policia e Shtetit vijon hetimet lidhur me këtë informacion, të cilat po zhvillohen në mënyrë sekrete dhe ende nuk asnjë informacion zyrtar.
Nano u shkarkua si drejtor i përgjithshëm i Policisë së Shtetit më 31 gusht 2022 vetëm pas 10 muajsh në detyrë, me argumentin e qeverisë se nuk kishte realizuar objektivat dhe deri sot ende ndodhet jashtë policisë së shtetit./ BW
