Andon Kumria, një 23-vjeçar shqiptar vdiq të enjten më 21 dhjetor në spitalin “Papa Giovanni” në Bergamo, ku u shtrua në spital pas aksidentit të rëndë në të cilin u përfshi natën mes 8 dhe 9 dhjetorit në autostradën A4, midis Capriate dhe Dalmine.
“Ai ishte krahu im i djathtë, kuzhinieri më i mirë që kam pasur ndonjëherë në njëzet vjet biznes,” thotë Giovanni D’Auria, shefi i kuzhinës dhe pronari i restorantit ‘da Giò’ në Seriate, ku punonte shqiptari.
“Nuk e di dinamikën e aksidentit, e di që kishte mjegull dhe Andoni humbi kontrollin e makinës,” shton ai.
“Andoni ishte një djalë shumë i mirë, plot jetë, i përkushtuar ndaj punës. Në këto dy vite nuk e kam dëgjuar kurrë të thotë “jo,” thotë Giovanni.
“Ai ishte shumë i apasionuar pas gatimit, aq sa e kishte studiuar dhe madje kishte shkruar një libër. Ai ishte aq i mirë sa i shita një pjesë të aksioneve në një nga kompanitë e mia”. Ai kishte një ëndërr, të shkonte në Amerikë. “Ne donim të bënim një udhëtim dhe të shkonim së bashku.”
