Autoritetet austriake kanë njoftuar se kanë ndërmarrë një hetim ndaj një rrjeti islamik, ka njoftuar Ministria e Brendshme.
Arrestimet u kryen pasi dyshohej për një sulm të mundshëm në një kishë në Vjenë dhe në një katedrale në Këln, Gjermani.
Drejtoria për Çështje të Sigurisë Shtetërore dhe Inteligjencës në Ministrinë e Brendshme të Austrisë, njoftoi të sot se janë duke u marrë në pyetje të dyshuarit.
Shërbimet e sigurisë morën masa paraprake gjatë festave të Krishtlindjeve në formën e rritjes së mbikëqyrjes dhe monitorimit të hapësirave publike.
Ministria e Brendshme në Vjenë bëri të ditur se situata e sigurisë në Austri dhe në mbarë Evropën është e tensionuar.
