E-Albania vjen me një risi për të gjithë qytetarët. Tashmë do ta keni shumë herë më të lehtë për të marrë më shpejt shërbimin që doni. Kryeministri Edi Rama dhe drejtoresha e Agjencisë Kombëtare të Shoqërisë së Informacionit, Mirlinda Karçanaj deklaruan se qytetarët nëse kanë paqartësi mund t’i drejtohen asistentit virtual në e-Albania ku mund ta pyesin për cdo gjë dhe në cdo moment.
“Asistenti virtual është ideuar për të lehtësuar punën e qytetarëve. Nga sot nisim përdorimin e teknologjisë që do u mundësojë përgjigje të shpejta dhe të sakta. Programi është udhërrëfyesi juaj. Asistentin virtual mund ta pyesni në çdo moment nga kompjuteri ose telefoni juaj.
Përdorimi i inteligjencës artificiale nuk ka më kthim pas. Prandaj kemi hartuar strategjinë kombëtare të inteligjencës artificiale dhe shumë shpejt do të miratojmë rregullat e përdorimit etik. Nuk duhet të shqetësohemi nga inteligjenca artificiale, por të marrim më të mirën.
Risi më e madhe do të jetë asistenti virtual me zë që do të jetë live brenda 2024. Do ju marrë përdore derisa të merrni shërbimin. Asistenti do të bëhet zëri dhe figura më e dashur për shqiptarët, do të bëhet një urë lidhëse mes teknologjisë dhe qytetarëve” tha Mirlinda Karçanaj.
