Një valë e re koronavirusi dhe gripi mesa duket ka prekur SHBA-në. Siç raportojnë mediat amerikane shumë spitale në Kaliforni janë mbipopulluar nga pacientët të cilët kanë probleme me sistemin e frymëmarrjes për shkak të Covid.
Siç raporton “Los Angeles Times”, situata ka filluar të bëhet alarmante me autoritetet shëndetësore në gatishmëri të lartë dhe stafin mjeko-infermieror që bën përpjekje mbinjerëzore për të ndihmuar pacientët.
“Disa nga këta pacientë janë pozitivë për më shumë se një virus, gripi mund të bashkëjetojë me COVID-19, dhe në të njëjtën kohë ne po shohim një shpërthim të virusit sincicial të frymëmarrjes (RSV)”, thotë Dr. Daisy Knott, një specialiste e sëmundjeve infektive në Spitalin Kaiser Permanente të Kalifornisë Jugore.