Ministri i Brendshëm, Taulant Balla njoftoi sot se 144 mjete, mes tyre edhe luksoze të cilat përdoreshin nga anëtarë të organizatave kriminale, të konfiskuara, apo edhe të sekuestruara, do t’i kalojnë Policisë së Shtetit për të përmbushur nevojat e saj.
“Mjetet e shpejta do të përdoren nga Policia Rrugore, ndërsa mjete të tjera do t’i kalojnë Repartit RENEA për operacionet e tyre.
Mjete apo prona të paluajtshme të krimit apo korrupsionit, të konfiskuara, nuk do të nxirren më në shitje, për të parandaluar rikthimin e tyre tek të njëjtët, por do të përdoren për nevoja të shtetit” tha ai.
Drejtuesit e policisë që e shoqëronin i shpjeguan ministrit edhe karakteristikat e makinave që janë sekuestruar apo konfiskuar dhe se cili sektor do i përdorë në policinë e shtetit.
