Një aksident ka ndodhur mesditën e sotme në Vlorë. Një 35-vjeçar ka përplasur me makinë një fëmijë 8 vjeç në rrugën “Pelivan Leskaj”.
Sipas informacioneve nga policia, 8-vjeçari është transportuar me urgjencë drejt spitalit. Raportohet se i mituri është jashtë rrezikut për jetën.
Njoftimi i policisë:
Sot, rreth orës 12:30, në rrugën “Pelivan Leskaj”, shtetasi M. Gj., 35 vjeç, duke drejtuar auotmjetin tip “Opel”, ka aksidentuar një shtetas të mitur, rreth 8 vjeç, i cili si pasojë është dëmtuar dhe aktualisht ndodhet në spital, jashtë rrezikut për jetën.
Drejtuesi i automjetit është shoqëruar në ambientet e komisariatit, për veprime të mëtejshme.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
