Zhdukja e Ervis Martinajt vijon që të jetë një sfidë për autoritetet shqiptare që ende nuk e kanë një përgjigje nëse është vdekur apo i gjallë. Ministri i Brendshëm, Taulant Balla tha dje se ka informacione sekrete por ende nuk e ka një përgjigje përfundimtare mbi fatin e bosit të lojërave të fatit. Por si mund të përkthehet kjo? Eksperti Fatjon Softa në një bisedë në “5Pyetjet.al” tha se derisa nuk ka një kufomë beson se biznesmeni është gjallë.
“Për aq kohë sa nuk kemi një kufomë, Ervis Martinaj është gjallë. Shërbimet duhet të japin informacion për vendndodhjen e tij nëse është gjallë apo i vdekur. Informacionet sekrete duhen kohën e tyre. Ne kemi rastin e Davide Pecorellit.
Forma të tilla të eliminimit, shfaqjes apo thënies, ekzistojnë si mundësi derisa nuk kemi gjetjen e kufomës. Derisa zoti Balla bën këtë deklaratë duhet të ketë një informacion. Unë besoj se mund të ketë një informacion për vendndodhjen, por nuk shprehet kush nëse është gjallë apo vdekur, sepse kjo tregon se mund të jetë gjallë. Informacionet sekrete mund të kenë dalë edhe nga komunikimet nga “Sky”.
Në njeri sado që të zhduket sado të zhduket me dikë duhet të flasë, nuk mund të jetojë nën tokë në një bunker. Mjafton të jetë më shumë se një dhe mundësia e informacionit ekziston. Flasim nëse është gjallë. Nëse ka vdekur duhet të shkosh te kufoma” tha ai.
