Familjarët e dy shqiptarëve nga Kosova të cilët humbën jetën në një aksident automobilistik mbrëmjen e 5 janarit, kanë deklaruar se kanë pasur probleme me kthimin e trupave të pajetë në Kosovë.
Kushtrim Hoxha dhe Jetmir Rexhepi ishin 2 të rinjtë që humbën jetën në një aksident automobilistik në Hungari. Jetmiri humbi jetën gjatë rrugës për në spital ndërsa Kushtrim Hoxha u dogj brenda makinës që shpërtheu në flakë.
Mediat kosovare kanë bërë me dije se familjarëve të viktimave u kanë hapur probleme në lidhje me sjelljen e trupave të pajetë në Kosovë.
Shkak mësohet të jetë shteti hungarez për problemet e nxjerra për procedurat që i kanë në këto raste.