Një 48-vjeçare është vendosur në gjendje të lirë pasi ka ushtruar dhunë kundër kunatës së saj.
Ngjarja ka ndodhur në Pogradec, ndërsa policia bën me dije se e dhunuara është pajisur me urdhër mbrojtjeje.
“Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi penal në gjendje të lirë për shtetasen M. S., 48 vjeçe, banuese në Pogradec, pasi dyshohet se ka ushtruar dhunë ndaj kunatës së saj, e cila u pajis me urdhër mbrojtjeje”, njofton policia.
Policia e Korçës bën me dije se se procedim në gjendje të lirë ka nisur dhe ndaj dy qytetarëve, njëri pasi ka dhunuar gruan e tij, ndërsa tjetri pasi dyshohet se ka thyer xhamin e vetratës së ballkonit të një banese.
