Pas protestave të blegtorëve të lumit të Vlorës edhe ata të zonës së Novoselës kanë paralajmëruar se do shesin bagëtitë, për shkak se pikat e grumbullimit të qumështit kanë ulur ndjeshëm çmimin.
Blegtorët thonë se baxhot kërkojnë ta grumbullojnë qumështin me shumicë me 120 lekë/ litri nga 160 që ishte deri tani, në një kohë kur çdo produkt ushqimor në vend pëson vetëm rritje çmimi.
Blegtorët Sandri Bendaj dhe Serri Alliu, thonë se kanë nga 150 krerë bagëti, por sipas tyre çmimi i grumbullimit të qumështit nuk justifikon as mundin e tyre dhe as shpenzimet që ju duhet për të vazhduar më tej.
