Islanda jugperëndimore pa shpërthimin e saj të dytë vullkanik që nga dhjetori, me llavën që derdhej drejt Gredavíkut aty pranë. Kryeministrja Katrin Jakobsdottir përshkroi një “situatë shumë të rëndë” pasi disa ndërtesa u përfshinë nga flakët.
Autoritetet u mobilizuan menjëherë për evakuimin e banorëve, jeta e të cilëve do të rrezikohej, ndërkohë që agjencitë dhe komuniteti shkencor po ndjekin nga afër zhvillimet, duke vlerësuar çdo moment situatën dhe të gjithë skenarët e mundshëm për aktivitetin vullkanik dhe rrugën e llavës që derdhet në territorin islandez.
Një zyrtar islandez e përshkroi shpërthimin e djeshëm si “skenarin e rastit më të keq” pavarësisht nga muajt e përgatitjes. Drejtori i mbrojtjes civile Vidir Reynisson tha se digat ishin ndërtuar në veri të Gredavik përpara shpërthimit të parë në dhjetor.
Ai tha në një konferencë se ndërsa rrjedha kryesore e llavës kishte dalë nga digat, çarja e re brenda tyre ishte “skenari më i keq”. “Një opsion që po konsiderohet është përdorimi i pompave për të ftohur llavën me ujë të detit për të shpresuar që të kufizojë dëmtimin në qytet” shtoi ai. Grädvík, një qytet me 3,800 banorë, ndodhet rreth 50 kilometra në jug-perëndim të Reykjavík – kryeqyteti i Islandës.
