Ka nisur takimi në mes të ministres së Jashtme e Kosovës, Donika Gërvalla, dhe ministrit për Evropën dhe Punët e Jashtme të Shqipërisë, Igli Hasani.
Hasani u shpreh gjatë konferencës së tij për shtyp se sulmi i 24-shtatorti në Banjskë ishte një akti i rëndë terrorist dhe se Shqipëria e ka dënuar ashpër.
“Vizita ime është pjesë e një turi, pas Kosovës në Maqedoni dhe malin e zi. Turi ka për qëllim ndarjen e ideve për punën që duhet të bëjmë bashkë për të mirën e rajonit dhe qytetarëve tanë. Rajoni është duke kaluar një moment delikat. Siguria dhe stabilteti janë më të kërcënuara se sa në çdo moment tjetër gjatë dekadës së fundit. Kemi dënuar sulmin e 24 shtatorit. Ky sulm ishte një akt kriminal kundër stabilitetit pavarësisë ligjit dhe rendit të Kosovës. Autorët organizatorët duhet të mbajnë përgjegjësi dhe të dalin para drejtësisë sa më parë për të mos lejuar një përshkallëzim më tej të situatës”, tha Hasani.
