Lulzim Basha ka bërë një reagim zyrtar në lidhje me mbështetjen e SHBA-së. Dje në një konferencë për mediat Basha u shpreh se BE dhe SHBA po ndërmjetësonin situatën e krijuar për reformën zgjedhore. Por sot ka ardhur një reagim ku BE dhe SHBA japin mbështetjen e tyre në lidhje me çështjen, Basha nuk ka hezituar që të shprehë falenderimin e tij për ndërkombëtarët në emër të Partisë Demokratike.
Postimi i plotë:
Në emër të Partisë Demokratike të Shqipërisë përsëris mirënjohjen time për mbështetjen që partnerët strategjikë të Shqipërisë, SHBA, BE dhe MB si edhe OSBE-ODIHR i japin procesit të reformës zgjedhore në Shqipëri. Falë edhe kësaj mbështetje, pas një periudhe të gjatë heshtjeje, Komisioni për Reformën Zgjedhore pritet të nisë punën së shpejti. Listat e hapura, barazia e votës, vota e diasporës dhe votimi dhe numërimi elektronik janë prioritetet e Partisë Demokratike të mishëruara në paketën e propozimeve ligjore të depozituara në Kuvendin e Shqipërisë. Koha për t’ju dhënë shqiptarëve një Kod Zgjedhor pa hile dhe pengesa për lirinë dhe barazinë e votës!
