I mituri, Arsid Muça nga Shkodra ka humbur jetën në Luksenburg të Belgjikës, pasi ndërtesa ku ai banonte është shkrumbuar si pasojë e një zjarri masiv.
Mësohet se vetëm dy muaj më parë një i njohur e tërhoqi të riun për të punuar atje si emigrant duke qenë se familja Muça përballej me probleme ekonomike, një zgjedhje e cila u kthye në tragjedi.
Mediat e Luksemburgut raportojnë se një godinë në qytetin e Bastogne u shkrumbua nga një zjarr që u përhap me shpejtësi. 16 vjeçari ndodhej në gjumë dhe nuk ka arritur që të dalë duke u djegur brenda.
Daja i tij, Fatmir Delaj rrëfen se viktima u detyrua të emigrojë në atë moshë të re duke mos vijuar shkollën e mesme për të ndihmuar familjen.
