Girona shkatërroi Seviljan me rezultatin 5-1 duke qëndruar në krye të kampionatit spanjoll të futbollit edhe pse ka një ndeshje më shumë se Reali i Madridit. Edhe Barcelona fitoi 4-2 përballë Betisit në një ndeshje spektakolare. Reali i Madridit bëri detyrën ndaj Almerias në një ndeshje me shumë polemika.
Trajneri i Real Madrid-it, Carlo Ancelotti ka folur për mediet pas fitores 3-2 ndaj Almerias në kampionat. Ancelotti deklaroi se e kupton ankesën e Almerias për vendimet e VAR, por shton se ishin pikërisht ato video që ndihmuan për të kuptuar detajet dhe golat.
“Unë e kuptoj ankesën e Almerias, por ato ishin vendime të rishikuara nga VAR. Mendoj se ishin tre vendime mjaft të qarta. Pashë veprimet, arbitri ka të drejtë, VAR-i e thërret dhe mendoj se ai mori vendimet e duhura”-tha ai.
