“Familja, shkolla dhe institucionet e tjera kanë dështuar”. Kështu u shpreh në një intervistë për “5Pyetjet.al” me “Skype” juristi Lavdim Mekshana nga Prishtina lidhur me vrasjen e 18-vjeçarit Lulzim Fejzullahu nga Podujeva, i cili ishte jetim dhe jetonte vetëm me motrën.
Mekshana u shpreh se njëri nga të rinjtë ishte me precedent, i përjashtuar nga shkolla, por edhe pa patentë në drejtimin e makinës, pasi nuk kishte mbushur moshën.
“Si është e mundur që dy të miturit kanë pasur qasje në makinë, kur asnjëri nuk ka të drejtë të marrë patentën. Cili është roli i shkollës? Kryetari i komunës thoshte se e kishin përjashtuar nga shkolla njërin të mitur.
A është roli i shkollës vetëm ta përjashtojë një të mitur duke e lënë të bredhë rrugëve dhe duke mos u marrë më me të duke krijuar problematikë, që mund të jetë kryrës i veprave penale, sikur ndodhi.
Institucioni për edukimin e tij duhet të ishte shkolla. Ka disa hallka që kanë dështuar në mbikëqyrjen e këtij rasti. Njëri nga dy personat, të miturit ka qenë i dënuar më parë, recidivist, përsëritës” tha ai për “5Pyetjet.al”.
Vranë jetimin me hekur, juristi te “5Pyetjet.al”: Dy çunat mund t’ia hedhin me 5 vite burg
