Policia ka arrestuar një 28-vjeçar që po transportonte 2 mina me telekomandë në çantën e tij të shpinës.
Në hyrje të qytetit të Rrëshenit, shërbimet e Policisë kanë lokalizuar të dyshuar i cili lëvizte me këmbë, në drejtim të qytetit dhe kanë ndërhyrë menjëherë.
Si rezultat u bë arrestimi në flagrancë i Marian Gjokës 28 vjeç, banues në Qafë Unazë, njësia administrative Rubik, Mirditë, rezident në Malin e Zi.
Gjatë kontrollit në çantën e shpinës së 28-vjeçarit, gjetën dhe sekuestruan në cilësinë e provës materiale, 2 mina me telekomandë, me lëndë plasëse C4.
