Gjykata e Fierit ka vendosur detyrimin për t’u paraqitur dhe ndalimin e daljes jashtë vendit për tre doganierë dhe tre biznesmenë, pasi dyshohen se në periudhën 2014-2016 kanë abuzuar me detyrën në Degën Doganore Fier.
-R. Sh., 47 vjeç, banues në Tiranë (i punësuar në Degën Doganore Fier);
-I. Y., 51 vjeç, banues në Fier, ish-punonjës i Degës Doganore Fier;
-E. Gj., 37 vjeç, banues në Fier, ish-punonjës i Degës Doganore Fier.
Gjithashtu, u bë ekzekutimi i masave të sigurisë “Detyrimi për t’u paraqitur në Policinë Gjyqësore” dhe “Ndalimi i daljes jashtë shtetit”, për 3 shtetas (biznesmenë):
-M. K., 70 vjeç, banues në Berat;
-A. B., 56 vjeç, banues në Tiranë;
-S. P., 60 vjeç, banues në Tiranë.
Sipas hetimeve, ka rezultuar se M. K., S. P dhe A. B., në periudha të ndryshme, gjatë viteve 2014-2016, për llogari të shoqërive tregtare në administrim të tyre, kanë kryer pranë Degës Doganore Fier, praktika zhdoganimi të mallrave me origjinë nga Kina.
Procedurat e zhdoganimit janë kryer në të gjitha rastet, pranë Degës Doganore Fier, nga ana e doganierëve, shtetasve R. Sh., I. Y. dhe E. Gj. Në kryerjen e procedurave të zhdoganimit në Degën Doganore Fier, nga ana e administratorëve të subjekteve janë paraqitur fatura të falsifikuara.
Në përfundim të hetimeve është dokumentuar veprimtaria e kundërligjshme e të gjashtë këtyre shtetasve, të cilët në bashkëpunim me njëri-tjetrin, kanë kryer procedurën e zhdoganimit, pa kryer verifikimin e mallit dhe kanë shmangur detyrimet doganore në vlerën e 10 016 364 lekë të rinj.
