Është arrestuar nga policia Adrian Hamalli, autori i vjedhjes së një automjeti tip “Range Rover” pasditen e djeshme. Mësohet se ngjarja ka ndodhur në kryeqytet, ndërsa Hamalli u kap duke drejtuar mjetin e vjedhur.
“Rreth orës 19:00, më datë 30.01.2024, u raportua vjedhja e një Range Rover-i me ngjyrë të zezë dhe targë AC007TC pranë hotel Marriott.
Falë reagimit të shpejtë të shërbimeve të qarkullimit, mjeti u lokalizua dhe u bë bllokimi i tij. Shtetasi Adrian Hamalli u kap në flagrancë duke drejtuar mjetin e vjedhur dhe tashmë është nën shoqërimin e Komisariatit Nr. 5”, bëjnë me dije blutë.
