Derbi i tretë për këtë muaj mes Realit të Madridit dhe Atletiko Madridit është mbyllur në “paqe” në shifrat 1-1.
Të dy gjigantët spanjollë kërkonin me ngulm fitoren në këtë përballje, Reali për tu siguruar i vetëm në krye të renditjes, ndërsa Atletiko nga ana tjetër për tu futur sërish në garën titull.
“Galaktikos” zhbllokuan të parët sfidën, ishte Brahim Diaz ai që “çau” rrjetën e Jan Oblak.
Pas golit spektakli vazhdoj me raste dhe aksione të shumta, emocionet nuk munguan, por golat ishin të limituar.
Kur u duk se Madridi do të ishte dhe një herë “Galaktikos”, Lloriente suprizoi vendasit me një gol në frymën e fundit.
Gjithçka mbyllet në paqe, Reali vazhdon të mbajë kreun e La Ligas me 58 pik, ndërsa Atletiko ndjek në vendin e katër me 10 pik më pak, ndoshta nga kjo përballje dolën më të pa kënaqurit.
