Bashkëkryetari i Reformës Zgjedhore, Damian Gjiknuri në një deklaratë për mediat, pasi Rithemelimi pengoi zhvillimin e mbledhjes, tha se do e zhvendosin online. Gjiknuri thotë se është absurditet se përse dy grupet e opozitës nuk dua ta çojnë para këtë Reformë, pasi grupi i Bashës nuk ishte i pranishëm në sallë.
“Siç jeni në dijeni kishim seancë dëgjimore me organizatat joqeveritare kanë dhënë rekomandimet e tyre për përmirësimin e kodit zgjedhor. Skenat i patë, përsëri e bënë të pamundur, mundësinë për tu shprehur organizatat. Përsëri një pjesë e opozitës bllokoi hyrjen, e bëri të pamundur zhvillimin e zgjedhjes.
Pamundësia fizike na bën që të njoftojmë një mbledhje tjetër, zgjidhja që bëmë herën e kaluar për ta kaluar online do jetë e duhur. Habitem për një gjë, dy opozitat që duhet të jenë të interesuara nuk po bëjnë asgjë për ta çuar para këtë proces. Absurditet, mazhoranca është komode edhe me këtë kod zgjedhor”, tha Gjiknuri.
