Është dhënë vendimi me 22-vite burg nga gjykata për Orjana Gremin, 32-vjeçarja e cila në Janar 2023, hodhi në ujërat e lumit Kir foshnjën e saj të sapo lindur.
Gjyqtarët e Shkodrës vendosën të deklarojnë fajtore dhe të dënuar Gremin, për akuzën “Vresjes së mitur”.
Kjo ishte një ngjarje që tronditi rëndë opinionin publik ndodhi në 5 Janar 2023, 5 ditë pasi nëna e re kishte sjellë në jetë foshnjën e saj.
Ajo e ka hedhur atë në ujërat e lumit Kir, çka kanë rezultuar fatale për foshnjen, ndërsa menjëherë pas ngjarjes ajo u arrestua në fshatin Golem ku edhe banonte tek të afërmit.
Akti u raportua nga dy murgesha të kishës katolike që njoftuan policinë pasi e kanë takuar 32 vjeçaren në shtëpinë e saj por pa foshnjën.
Para dhënies së vendimit, Orjana Gremi, kërkoi mëshirë duke shfaqur pendesë të thellë për krimin e kryer.
Foshnja i seksit mashkull është regjistruar në spitalin e Shkodrës pa atësi dhe nëna përpara kryerjes së krimit kishte kryer edhe procedurat për përfitimin e bonusit të lindjes.
Ndërkohë që më herët në spital kishte kërkuar dhënien e tij për birësim, por që më pas ka ndërruar mendje.
Teksa ka dalë nga spitali, Gremi është drejtuar në fshatin Golem, por rrugës ka hedhur foshnjën në lumë.
