Pasditen e sotme janë zbuluar 2 mina të paplasura në Bushat.
Siç njofton edhe policia ngjarja ka ndodhur rreth orës 15:40 ku punonjësit e bashkisë zbuluan 2 mina.
Njoftimi:
Shkodër/Informacion paraprak
Rreth orës 15:40, gjatë pastrimit të një kanali vaditës në fshatin Bushat, punonjësit e bashkisë kanë gjetur 2 mina të paplasura, të ndryshkura, të cilat dyshohet se i përkasin vitit 1997. Shërbimet e specializuara të DVP Shkodër, shërbimet mbështetëse dhe grupi hetimor kanë shkuar në vendngjarje, ku vijojnë veprimet për sekuestrimin e 2 minave dhe hetimet për të dokumentuar rrethanat e rastit.
