Shefja e Grupit Parlamentar të Lëvizjes Vetëvendosje, Mimoza Kusari-Lila, deklaron se ekziston një video-incizim në të cilin Radoiçië në prani të presidentit serb Vuçiç është shprehur i gatshëm për një sulm të ri, si ai në Banjska në shtator të vitit të kaluar.
“Ka edhe një video-incizim që tregon kriminelin në arrati Millan Radoiçiç, i cili në prani të Vuçiçit dhe zyrtarëve të tjerë të Listës Serbe, deklaron se ata janë të gatshëm të përgatitur të shkojnë deri në fund, me riaktivizim të një sulmi të njëjtë si ai i 24 shtatorit, duke mos kursyer as jetët e tyre”, tha Kusari Lila në Euronews Albania.
