Një tërmet me magnitudë 4.9 ka rënë në rajonin Yenice të prefekturës Daradanellia (Canakkale) në Turqinë veriperëndimore. Thellësia e tërmetit ishte 10.44 km.
Tërmeti, përveç Dardaneleve dhe vendeve fqinje, u ndje edhe në Stamboll, duke rritur shqetësimet e banorëve, pasi sizmologët kishin vlerësuar se do të binte një tërmet i madh në pjesën veriore të Anadollit që kalon në jug të Stambollit në Detin Marmara.
Agjencia për Fatkeqësi Natyrore dhe Emergjenca (AFAD) njoftoi se ekipet kanë nisur hetimet në vend për të kontrolluar nëse ka dëme. Për momentin nuk raportohet për të lënduar apo shembje.
