Një 78-vjeçar është përplasur nga një automjet i cili e ka lënë në mes të rrugës dhe është larguar.
Ngjarja ka ndodhur në lagjen “Dëshmorët e Kombit” ku 78-vjeçari Faslli Arapi ka qenë duke lëvizur me biçikletë.
Në vendin e quajtur ” Varri i Babaliut ai është përplasur me një automjet me ngjyrë të zezë.
I moshuari është transportuar më pas drejt Spitalit Rajonal Berat, ku ndodhet në kujdesin e mjekëve, me plagë të shumta në kokë e trup.
Është identifikuar edhe mjeti që shkaktoi aksidentin një makinë e tipit Mercedes Benz, me targa AA 671 KE, në pronësi të një shtetasi nga fshatin Mbrakull në Poliçan, emri i të cilit nuk bëhet i ditur deri në ndalimin e tij. Burimet zyrtare të Policisë Berat bëjnë me dije se po punohet për kapjen e tij.
