Hekuran Troplini 20 vjeç dhe Emiljano Pasha 19 vjeç u arrestuan dy ditë më parë për shitje armësh që mund të jenë përdorur nga grupet kriminale. Çmimi i armëve shkonte deri në mbi një mijë euro. Ishin mjaft të kujdesshëm në reklamimin dhe shitjen e armëve.
Policia e Durrësit ka dyshime se Hekuran Troplini dhe Emiliano Pasha nuk vepronin vetëm por ishin pjesë e një grupi për anëtarët e të cilit po thellohen hetimet dhe pritet që në ditët në vijim të ketë të tjera arrestime.
Ky grup përdorte si bazë shtëpi të braktisura ose të emigrantëve ku magazinonin armët. Gjatë operacionit të fundit policia sekuestroi 4 armë zjarri kallashnikovë, 20 krehra, qindra fishekë luftarakë, ndërkohë që ka informacion edhe për një bazë tjetër armësh të po këtij grupi që pritet të goditet së shpejti nga policia.
