Ditën e sotme Gjykata e Apelit ka lënë në burg Armando Kumarkun dhe Natasha Rombula, babai dhe gjyshja e 10-vjeçarit që u shfrytëzua për të marrë klikime në ‘Tik Tok’ duke e bërë pjesë të bisedave banale.
“Çështja në apel u shqyrtua mbi bazën e ankimeve të paraqitura, nga personat nën hetim me iniciale A. K, dhe N. R, të cilët kërkuan ndryshimin e vendimit dhe caktimin e një mase tjetër sigurimi më të butë..
Në përfundim të gjykimit, sot më datë 27.03.2024, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtar z. Fatri Islamaj, vendosi: Miratimin e vendimit nr. 22, datë 22.02.2024 të Gjykatës së Shkallës së Parë të Juridiksionit të Përgjithshëm Berat” thuhet në njoftimin e gjykatës.
