Një persona është plagosur me armë zjarri në Shkodër.
Ngjarja ka ndodhur në Velipojë në fshatin Mali Kolaj.
Raportohet se i plagosur ka mbetur 27-vjeçari Emiljano Paloka i cili është transportuar në spitalin e Shkodrës dhe i është nënshtruar një operacioni.
Raportohet se ngjarja ka ndodhur pas një konflikti mes komshinjve.
Njoftimi i policisë:
Rreth orës 21:45, në malin e Kolajve Velipojë, në rrethana ende të paqarta është plagosur me armë zjarri shtetasi E. P., 27 vjeç, banues në fshatin Pulaj-Plazhë, i cili është transportuar për ndihmë mjekësore dhe ndodhet jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe sëbashku me dy grupe të Forcës Kombëtare të Sigurisë Njësia Shkodër po vijojnë krehjen e zonës.
Grupi hetimor në drejtimin e Prokurorisë, vijon punën në vendngjarje për sqarimin e rrethanave të ngjarjes dhe identifikimin e autoreve.