13 persona janë arrestuar nga policia italiane pasi dyshohen se janë pjesëtar të një rrjeti ndërkombëtar të drogës të ardhur nga Shqipëria.
80 karabinierë nga komanda Latina dhe Catania në Itali u angazhuan në operacionin për ekzekutimin e 13 urdhër arresteve.
Shumë kilogramë drogë e ardhur nga Shqipëria fshihej në kamion falë disa vendeve të improvizuara.
Të arrestuarit janë të gjithë me banim në Fondi, me disa precedentë të veçantë dhe prej vitesh konkurrojnë për tregun vendas. Vetëm një prej tyre, disa kohë më parë, ishte zhvendosur në Caltagirone, në provincën e Katanias dhe ishte nën vëzhgim nga karabinierët vendas.
Hetimi ka nisur që në vitin 2020 ku një sulm me armë nga rivalët solli dyshime.
