Pesë projektligjet e votuara në seancën parlamentare të 7 marsit, ku edhe pse nuk u plotësua kuorumi, nënkryetarja Ermonela Felaj vazhdoi me votimin, Komisioni i Etikës vendosi që të rikthehen në Kuvendin e Shqipërisë për t’u votuar sërish.
Mungesa e deputetëve në atë seancë që solli dështimin ka bërë që kryetari i grupit të PS-së, Bledi Çuçi t’u kërkonte kolegëve në mbledhjen e sotme prezencë në seancë.
Sipas tij jo thjesht për të pasur numrat për miratimin e projektligjeve, por edhe për të marrë pjesë në diskutimet sipas rendit të ditës.
Mbledhja vijoi më pas me trajtimin e çështjeve të ndryshme të ngritura nga deputetët sipas zonave të tyre.
