Ylber Ramadani e mirëpret me kënaqësi formën që po kalon në Serie A me Leçen, sidomos pas fitores në një ndeshje direkt për mbijetesë si ajo ndaj Empolit.
Tre pikë të rëndësishme për verdhekuqtë dhe mesfushorin e Kombëtares shqiptare, i cili ka bindur klubin për aftësitë e tij që në sezonin e parë në Itali, ndërkohë që tani prezanton skuadrën në intervistat për mediat italiane.
“Kjo fitore ishte e rëndësishme, fituam një ndeshje direkte dhe të tjerët barazuan. Seria A nuk është e lehtë dhe kanë mbetur edhe gjashtë ndeshje për të marrë pikë. Zoti Gotti ? Ne duhet të japim gjithçka për t’i treguar atij se mund të bëjmë mirë, të fitojmë ndeshje dhe të përpiqemi të qëndrojmë të sigurt. Ai ndryshoi formacionin për ndeshjet, tani luajmë me një mesfushë me dy lojtarë dhe jemi kompakt. Në tre ndeshje kemi pranuar 0 gola dhe është një drejtim i mirë për ne” është shprehur Ramadani.
Sfida tjetër mund të jetë një sfidë shqiptarësh, gjithnjë nëse Bajrami dhe Kumbulla do të zbresin në fushë pasi Leçe do të përballet me Sassuolon.
“Çdo ndeshje shkojmë për të mbrojtur portën. Nëse nuk shënon gola, patjetër shënon pikë dhe ne duhet të hyjmë me këtë mentalitet , atëherë nëse shënojmë mirë. Nuk kemi arritur ende shpëtimin, ka ende pikë për të shkuar. Nuk duhet të mendojmë se e kemi bërë tashmë, na duhen pikë për sigurinë matematikore, por duhet të ecim përpara në ndeshjet e tjera”. Kur hyj në fushë kam shumë besim , nuk kam frikë nga askush, thjesht dua të bëj mirë për shokët e mi dhe të fitoj. Fillimisht mendoj për shpëtimin dhe më pas për Kampionatin Evropian”.
