Maqedonia e Veriut voton sot në raundin e parë për të zgjedhur Presidentin e ri. Kandidati shqiptar për president i koalicionit Fronti Europian, Bujar Osmani u shpreh këto zgjedhje janë vendimtare për të ardhmen e vendit.
“Unë pres që të gjithë qytetarët e Maqedonisë së Veriut të votojnë, për shkak se këto zgjedhje janë vendimtare. Sot do të vendoset për integrimin ose izolimin.
Pres zgjedhje të lira, demokratike, qytetarët të dalin sa më shumë. Të votojnë për të ardhmen. Unë besoj në fitore të madhe këtë ditë.
Uroj zgjedhje të lira dhe demokratike. Inkurajoj qytetarët që të dalin në votime. Unë mendoj se këto zgjedhje nuk janë të zakonshme, janë vendimtare për të ardhmen e vendit tonë. Sot shpresoj fillimisht, zgjedhjet do të kalojnë në rang më të mirë”, tha Bujar Osmani.
