Janë bërë publike pamjet nga vendosja e tritolit në banesën e gjyqtarit Tonin Sterkaj në Shkodër.
Në video shihet momenti kur autori me kapuç në kokë vendos lëndën plasëse në derën e banesës dhe më pas largohet.
Lidhur me ngjarjen policia ka shoqëruar në komsiariat 3 persona, të cilët janë marrë në pyetje dhe më pas janë lënë të lirë.
Ndërkohë, identifikimi i autorit është i vështirë, pasi ai mbante kapuç në kokë dhe nuk i dukej fytyra.
Si pasojë e shpërthimit pati vetëm dëme material, teksa për ngjarjen reagoi edhe KLGJ, duke kërkuar vendosjen e autorit para drejtësisë.
Dyshohet se ngjarja lidhet me detyrën e gjyqtarit dhe çështjet që ai ka gjykuar.
