Kryeministri Albin Kurti ka folur për një podcast/ dokumentar të BBC i cili u realizua për atë që krijo vendimi i Bankës Qendrore me përjashtimin e dinarit.
Kurti u shpreh institucionet financiare të Kosovës kanë diktuar se kjo gjë ndodhi për të luftuar financimin e terrorizmit.
“Dinari i takon shekullit të kaluar dhe Millosheviçit, nëse Serbia e pëlqen dinarin neve s’mund të na imponojë. Ne duhet të dimë se kush po dërgon para, te kush dhe për çfarë qëllimi”.
Kurti foli edhe për municionin e gjetur pas sulmit në Banjskë.
“Ata deshën një luftë të re, nuk ndodhi dhe ne ia dolëm të eliminojmë tre terroristë, por pasojat ishin se dhjetëra prej tyre arritën të iknin dhe sot janë në Serbi”.
BBC: Pse i latë të iknin kur i kishte rrethuar?
“Ne kishim një perimetër të gjatë dhe të gjerë. Ne nuk deshëm që ndonjë nga plumbat e policisë tonë të përfundonin në manastirin ortodoks serb. Çmimi që ne paguam ishte fakti që ata ia arritën të ikin”.
