Një aksident ka ndodhur këtë të enjte në rrugën nacionale Bulqizë-Peshkopi.
Aksidenti ka ndodhur rreth orës 14:00 në vendin e quajtur ‘Sofraçan’, Bulqizë, ku janë përplasur dy automjete me njëra – tjetrën me drejtues shtetasit L.S, dhe A.Gj.
Për pasojë të kësaj përplasjeje ka mbetur e lënduar një pasagjere e cila ndodhet jashtë rrezikut për jetën.
Kjo është një zonë problematike e rrugës nacionale Bulqizë – Peshkopi për shkak edhe të mungesës së theksuar të sinjalistikës horizontale e asaj vertikale.
Në vendngjarjes mbërriti grupi hetimor i cili po punon për zbardhjen e shkaqeve të aksidentit.
