Është arrestuar në Mbretërinë e Bashkuar Denis Havjala (Dashamrir Havalja), 38-vjeçari nga Bulqiza i cili ishte dënuar për marrëdhënie seksuale me një të mitur.
38-vjeçari pritet të ekstradohet në Shqipëri.
Ai është dënuar me 5 vjet e 4 muaj burgim, për veprat penale “Marrëdhënia seksuale ose homoseksuale me të mitur” dhe “Drejtimi i automjeteve në mënyrë të parregullt”, pasi në vitin 2016, ka marrë në një automjet me targa angleze, një shtetase të mitur, me të cilën ka kryer marrëdhënie seksuale.
Nga ky dënim i kanë mbetur për të vuajtur 2 vjet e 10 muaj burgim. Vijojnë procedurat për ekstradimin e këtij shtetasi, në Shqipëri.
