Ministri i Drejtësisë, Ulsi Manja theksoi nevojën për Kodin e ri Penal. “Kemi nevojë për një Kod të ri Penal. Në kodin e ri është ndërhyrë 33 herë, Brukseli dhe koha kërkon që të ndërhyjmë, sepse e kemi bërë arna-arna. Duhet një konsultim i gjerë publik. dua që kodi dhe drafti të marrë të gjithë kohën e duhur”.
E cilësoi debat për nivelin e klasës së parë, edhe pse ishte vetë ai që i tha dje deputetit demokrat Agron Shehaj se do të “shkul veshët”.
“Dje ishte dje dhe gjithçka i takon atij debati të zhvilluar brenda asaj salle. Sot është një ditë e re, jemi në prag të Pashkës. Është një ditë e re. Kam dëgjuar sot nga stafi im, që edhe gjatë shumë emisioneve ka vazhduar të trajtohet kjo gjë.
Por më bëri pak nostalgjik, më ktheu në ankesat në klasë të parë dhe shkonim tek zysha për t’i zgjidhur. Por ne nuk mund të kthehemi më në klasë të parë. Ai debat politik i takon sallës së Kuvendit” tha ai.
