Bayer Leverkusen është vetëm 90 minuta larg finales së Europa League. Një super sezon për teknikun Xabi Alonso që ende nuk e ka provuar shijen e humbjes as në kampionatin gjerman dhe as në Europë dhe që i do të gjitha.
Bayer Leverkusen fitoi 0-2 në “Olimpico” përballë Romës në gjysmëfinalen e parë, duke hedhur një hap të sigurt drejt kualifikimit në finalen e Europa League.
Florian Ëirtz kaloi në avantazh në pjesën e parë të pathyeshmit e Xabi Alonsos. Ndërkohë që goli i qetësisë erdhi falë një gjuajtjeje fantastike të Robert Andrich 17 minuta përpara fundit.
Pa fitues u mbyll raundi i parë i Marseille-Atalanta (1-1). Gianluca Scamacca zhbllokoi ndeshjen në minutën e 11’, por vendasit reaguan nëntë minuta më vonë. Kur barazuan falë një goditjeje potente të kongolezit Chancel Mbemba.
