Me çadra nën shi studentët e mjekësisë dalin kundër punës me detyrim
Studentët e mjekësisë kanë dalë kundër draftit për punën me detyrim që do të caktojë qeveria, si masë për të ndaluar emigrimin e të diplomuarve.
Studentët janë shprehur se do të paraqesin një projektligj të tyre përmes së cilit i jepet zgjidhje frenimit të largimit të bluzave të bardha. Ata duke kundërshtuar nismën e re të qeverisë, shprehen se nuk u zbatua kërkesa e Gjykatës Kushtetuese për konsultime mes palëve.
Qeveria propozon 3 vite punë të detyruar në Shqipëri për studentët e mjekësisë e punësim brenda 3 muajve nga moment i përfundimit të fakultetit.
Projekti është kundërshtuar edhe një herë nga të rinjtë, duke e cilësuar rikthim e draftit të papranueshëm
Shprehen se nuk u është marrë mendim. Problemi, sipas tyre, nuk është te krijimi i vendit të punës. Zgjidhje për ndalen e largimit të bluzave të bardha e shohin te investimet.
Paralel me projektin e qeverisë studentët deklarojnë se po përgatisin një draft të tyre, për të cilin shprehen se u lind e drejta pas vendimit të Gjykatës Kushtetuese.
