Ka rënë në prangat e policisë së Korçës një 46-vjeçari, Elton Grabocka i cili dyshohet se trafikonte lëndë narkotike drejt Maqedonisë së Veriut.
Në automjetin tip “Volkswagen” i arrestuari drejtonte, 53.3 kilogramë me lëndë të dyshuar narkotike cannabis sativa, e ndarë në pako.
Sasia e drogës, e cila dyshohet se do të trafikohej në drejtim të Maqedonisë së Veriut, u sekuestrua në cilësinë e provës materiale, së bashku me dy celularë dhe automjetin.
Vijojnë hetimet për dokumentimin e plotë të rastit dhe për vënien para përgjegjësisë ligjore të shtetasve të tjerë të implikuar në këtë veprimtari kriminale.
