Në ‘Bernabeu’ Reali i Madridit dhe Bayerni i Mynihut po përballen për një vend në finalen e madhe të UCL. Me sfidën e parë të mbyllur në shifrat 2-2, Reali po përpiqet të shfrytëzojë faktorin fushë për të vënë poshtë gjermanët.
Që në minutat e para u panë shkëndija të rrezikshme nga Los Blancos të cilët goditën shtyllën dhe u ndalën disa herë nga Neuer.
Bavarezët nga ana tjetër qëndrojnë më shumë në pritje duke u përpjekur të rrezikojnë me kundërsulme. Harry Kane shënjestroi portën e spanjollëve në një goditje të rrezikshme por topi përfundoi për pak centimetra jashtë.
Të njëjtin fat pati dhe Vinicius Jr, pak para përfundimit të pjesës së parë me shifrat që mbeten ende 0-0.
