Për herë të gjashtë tregtarët e Belshit kanë dalë në protestë këtë të shtunë duke kundërshtuar zhvendosjen e tregut nga qendra e qytetit drejt fshatit Marinëz. Refuzimi është i prerë për të çuar mallin në tregun e ri, të ndërtuar nga bashkia, pasi është larg zonës së banuar.
Në mbështetje të tregtarëve doli sot edhe deputeti Dashnor Sula, i cili i ka bërë thirrje kryetarit të bashkisë së të Belshit që të organizojë një takim me tregtarët për të zgjidhur problemin. Sula u bëri thirrje institucioneve të drejtësisë që të hetojë.
“6 javë protestë në veshin e shurdhët. Kjo arrogancë ndaj atyre njerëzve që e kanë besuar në atë karrige nuk justifikohet ndryshe veçse me faktin e “kafes” që mund të ketë marrë nga biznesmenët e Tiranës që kanë shtrirë duart edhe në Belsh” thotë Sula.