Një muaj pas atentatit që iu bë një shqiptari në Spanjë autoritetet spanjolle kanë arrestuar 3 persona.
Policia spanjolle ka arritur të identifikojë autorët, dy shqiptarë, dhe t’i arrestojë ata në Sevilje në kuadër të operacionit “Mezquita”.Në Madrid ka rënë në pranga edhe një person i tretë, shtetas kolumbian, i cili dyshohet se ka ndihmuar autorin të largohet.
Policia spanjolle ka sekuestruar gjatë kontrollit 12 mijë euro, disa celularë dhe dokumente të lidhura me hetimin.
Të dyshuarit, dy prej të cilëve janë mbajtur në paraburgim, akuzohen për vrasje të mbetur në tentativë, pjesëmarrje në organizatë kriminale, armëmbajtje pa leje dhe falsifikim.
