Sot do të mbahet seanca e Komisionit Hetimor për të dhënat e e sistemit TIMS ku do të marrë pjesë si dëshmitarë ministri i Brendshëm Taulant Balla, drejtori i Përgjithshëm i Policisë së Shtetit, Muhamet Rrumbullaku dhe ish-drejtori i Departamentit të IT në Policinë e Shtetit, Ervin Muça, është kërkuar të zhvillohet me dyer të mbyllura.
Ministri Balla i ka drejtuar një shkresë Komisionit ku argumenton se informacionet që ai do të japë sot bazohen në dokumentacion dhe të dhëna të klasifikuara si “sekret shtetëror” dhe se anëtarët e komisionit duhet të jenë të pajisur me Certifikatë Sigurie Personeli (CSP).
Balla gjithashtu kërkon që mbledhja të zhvillohet me dyer të mbyllura në mënyrë që të mbrohen detyrimet ligjore për mbrojtjen e këtij informacioni.
