Për më shumë se tre orë, sekretari i përgjithshëm i Kryeministrisë Engjëll Agaçi dëshmoi në SPAK për dosjen e inceneratorëve, 17 vendimeve që futi për miratimin në Këshillin e Ministrave në kohë rekord me procedurë të përshpejtuar.
“Isha sot si person në dijeni për procesin për inceneratorin e Tiranës. Mendoj që tashmë ky nuk do të krijojë një lajm, të gjithë duhet të jemi në dispozicion dhe funksion të organeve të drejtësisë. Ju uroj punë të mbarë dhe faleminderit” tha ai.
Përpara Agaçit në SPAK kanë dëshmuar kryetari i bashkisë së Tiranës, Erion Veliaj dhe zv/ kryeministrja Belinda Balluku.
