Mesditën e sotme do të dalin para gjykatës së Posaçme 5 persona të tjerë, që dyshohen si të përfshirë në disa ngjarje të rënda kriminale , që u evidentuan anëtarë të grupeve kriminale të financuara nga Ervis Martinaj.
Emiljano Shullazi, Gjergj Cukali, Albert Zaja, Enver Diva dhe Besian Xhixha që ndodhen në burg do të njihen me masat e reja të sigurisë.
Naim Stafuka ka dalë dje për masën e sigurimit personal ku u la në arrest me burg. Ndërkohë që në lidhje me qëllimin për eliminimin e Durim Bamit Prokuroria e Posaçme rendit një sërë emrash, që nga Astrit Avdylajn, Ervis Martinajn, Emiljano Shullazin, Arben Ndokën dhe Viktor Ymerajn.
Për asnjë prej tyre nuk bëhet me dije se përse kanë kërkuar të vrasin Durim Bamin. Gjithashtu sipas SPAK-ut, Durim Bami ka siguruar mjetet për të ekzekutuar Marklen Hakën, të riun nga Nikla.
